മനസ്സോടിത്തിരി മണ്ണ് : മികച്ച പ്രതികരണം
ജനകീയ പങ്കാളിത്തത്തോടെ ഭൂരഹിത കുടുംബങ്ങൾക്ക് ഭൂമി കണ്ടെത്താൻ സർക്കാർ നടപ്പിലാക്കുന്ന "മനസ്സോടിത്തിരി മണ്ണ്" ക്യാമ്പയിനോട്‌ സംസ്ഥാനത്ത് മികച്ച പ്രതികരണം.
കോട്ടയം ജില്ലയിൽ ക്യാമ്പയിന്റെ ആദ്യഘട്ടത്തിൽതന്നെ 82.084 സെന്റ് സ്ഥലം സംഭാവനയായി ലഭിച്ചു. വെള്ളൂർ തോന്നല്ലൂരിൽ ഡോ. ബി. ആർ രാജലക്ഷ്മി സഹോദരൻ ആർ ബി ബാബു എന്നിവർ മാതാപിതാക്കളുടെ സ്മരണാർത്ഥം 65.084 സെന്റ് ഭൂമി ലൈഫ് പട്ടികയിലെ ഭൂരഹിതരായ ഗുണഭോക്താക്കൾക്ക് വീട് നിർമ്മിക്കാനായി കൈമാറി. വഴിയും കുടിവെള്ളവും വൈദ്യുതിയും അടക്കമുള്ള സൗകര്യങ്ങളുള്ള ഭൂമി 13 കുടുംബങ്ങളുടെ വീടെന്ന സ്വപ്നം സാക്ഷാത്കരിക്കാൻ സഹായിക്കും.
