പ്രധാനമന്ത്രി ആവാസ് യോജന പദ്ധതിയിലൂടെ 500 പേര്ക്ക് കൂടി വീട് നല്കാനുള്ള പട്ടിക കൊല്ലം കോര്പറേഷന് തയാറാക്കി. കേന്ദ്ര-സംസ്ഥാന സര്ക്കാറുടെ അംഗീകാരത്തിനായി പട്ടിക സമര്പ്പിക്കും. വിവിധ ഡിവിഷനുകളിലായി 1422 പേര്ക്ക് വീട് നിര്മിക്കാന് അംഗീകാരം ലഭിച്ചിട്ടുണ്ട്. ഇതില് 10 കുടുംബങ്ങള്ക്ക് ആദ്യ ഘട്ടമായി 30,000 രൂപ വീതം വിതരണം ചെയ്തു. 12 വീടുകള്ക്കുള്ള ധനസഹായം ഉടന് വിതരണം ചെയ്യും. കരാര് അംഗീകരിച്ച 39 വീടുകളുടെ ആദ്യഗഡു ഉടന് അനുവദിക്കും.